వాడవాడల వెంట వాడివో వాడివో
నీడనుండి చీరలమ్మే నేతబేహారి
పంచభూతములనెడి పలువన్నెనూలు
చంచలపుగంజి వోసి/తోడ చరినేసి
కొంచెపు కండెల నూలిగుణముల నేసి
మంచి మంచి చీరలమ్మే మారుబేహారి
మటమాయముల దనమగువ పసిడినీరు
చిటిపొటియలుకల జిలికించగా
కుటిలంపుజేతలు కుచ్చులుగా గట్టి
పటవాళి చీరలమ్మే బలుబేహారి
మచ్చిక కర్మమనేటి/జీవులపెద్ద మైల సంతలలోన
వెచ్చపు కర్మధనము విలువచేసి
పచ్చడాలుగాగుట్టి బలువేంకటపతి
ఇచ్చకొలదుల నమ్మేయింటిబేహారి
No comments:
Post a Comment